BYWYD CYMRAEG YN ABERTAWE
Shw’mae a
Chroeso
sgania i wylio:
Yma ym Mhrifysgol Abertawe, rydym yn falch o’n traddodiad o gefnogi, hyrwyddo a chyfoethogi’r diwylliant Cymreig a’r iaith Gymraeg trwy ddarparu profiad Cymraeg a Chymreig mewn Prifysgol sydd ag iddi gysylltiadau amlddiwylliannol a rhyngwladol. Mae parhau i dderbyn dy addysg trwy’r Gymraeg wedi i ti astudio trwy gyfrwng yr iaith mewn ysgol neu goleg addysg bellach yn fantais werthfawr o ran dy ddatblygiad personol. Byddi di’n cael dy addysgu gan rai o ysgolheigion mwyaf blaenllaw Cymru o fri rhyngwladol. Ond yn fwy na hynny, byddi di’n rhan o gymuned Gymreig anhygoel. Mae Prifysgol Abertawe yn darparu ymdeimlad cartrefol a chroesawgar trwy ddarparu ystod eang o gyfleoedd cyfrwng Cymraeg i siaradwyr a dysgwyr Cymraeg. Dere i brofi popeth sydd gan Abertawe i’w gynnig yn un o’n Diwrnodau Agored. Dysgu
CADWA DY LE
ACADEMI HYWEL TEIFI
DYSGA FWY
Wrth galon y Brifysgol mae Academi Hywel Teifi sy’n darparu cymuned i’r miloedd o fyfyrwyr sy’n siarad a dysgu Cymraeg yma. Maen nhw’n hybu addysg ac ymchwil o’r radd flaenaf drwy gyfrwng y Gymraeg ac yn gartref hefyd i gangen Abertawe o’r Coleg Cymraeg Cenedlaethol. Mae’r Academi yn cefnogi myfyrwyr sy’n dymuno astudio eu cwrs yn gyflawn neu’n rhannol trwy gyfrwng y Gymraeg.
COLEG CYMRAEG CENEDLAETHOL
DYSGA FWY
Rydym yn gweithio ar y cyd â’r Coleg Cymraeg Cenedlaethol ac mae Cangen y Coleg yma i ddarparu cymorth a chefnogaeth wrth i ti astudio a chymdeithasu trwy gyfrwng y Gymraeg. Mae’r Gangen yn cynnal amrywiaeth o weithgareddau yn ystod y flwyddyn gan gynnwys digwyddiadau croeso i lasfyfyrwyr, digwyddiadau cymdeithasol i fyfyrwyr Cymraeg, a fforymau trafod i roi llais i fyfyrwyr ar eu haddysg a’u profiad addysgol.
AP ARWAIN
DYSGA FWY
YSGOLORIAETHAU
Lawrlwytha ap Arwain er mwyn derbyn y diweddaraf am ein cyrsiau a’n modiwlau cyfrwng Cymraeg, ynghyd â gwybodaeth am y gefnogaeth ariannol sydd ar gael. Cei wybodaeth hefyd am y cyfleoedd i fyw a chymdeithasu yn y Gymraeg tra’n astudio yma.
Trwy astudio drwy gyfrwng y Gymraeg, mae cyfle arbennig i ti gael cymorth ariannol. Mae nifer uchel o gyrsiau’n gymwys am ysgoloriaethau’r Coleg Cymraeg Cenedlaethol ac ysgoloriaethau a bwrsariaethau Academi Hywel Teifi.
LAWRLWYTHA’R AP
Rydym ni yma i ti
CANOLFAN LLWYDDIANT ACADEMAIDD
DYSGA FWY
Bydd y Ganolfan Llwyddiant Academaidd yn dy helpu i ddatblygu dy sgiliau astudio academaidd er mwyn cyflawni dy nodau. Maen nhw’n cynnig cyngor arbenigol ar gyfer myfyrwyr sy’n defnyddio’r Gymraeg yn eu bywydau academaidd. Mae’r ddarpariaeth hon wedi ei theilwra ar gyfer y cyd-destun Cymraeg, a rhoddir sylw i anghenion penodol myfyrwyr cyfrwng Cymraeg, gan gynnwys ymarferion dwyieithog, technoleg a meddalwedd priodol, yn ogystal â’r sgiliau sy’n gyffredin i fyfyrwyr o unrhyw iaith - meddwl yn feirniadol, cyfansoddi dadl, cyfeirio ac aralleirio, a sgiliau ysgrifennu ac ymchwilio.
DYSGA FWY
SWYDDOG MATERION CYMRAEG UNDEB Y MYFYRWYR
Mae’r Swyddog Materion Cymraeg yn un o chwe swyddog llawn amser Undeb Myfyrwyr Prifysgol Abertawe sy’n cael ei ethol bob blwyddyn. Prif gyfrifoldebau’r swydd yw sicrhau bod gan fyfyrwyr Cymraeg eu hiaith, hawliau cyfartal, a sicrhau bod yr iaith Gymraeg, ei diwylliant a’i threftadaeth at graidd popeth y mae’r Brifysgol yn ei wneud. Y nod yw sicrhau bod pob myfyriwr, boed yn siaradwyr Cymraeg neu beidio, yn byw o fewn y DU neu dramor, yn cael profiad Cymraeg yn y Brifysgol.
LLES A CHYMORTH
CYFLOGADWYEDD
Ym Mhrifysgol Abertawe, mae dy les yn bwysig i ni! Bydd ein gwasanaethau lles yn sicrhau y byddi di’n cael y budd mwyaf o dy astudiaethau a dy fywyd personol yn ystod dy gyfnod yn Abertawe. Gelli di gael mynediad at: •Myf.Cymru - gofod i siaradwyr Cymraeg gael mynediad at gymorth iechyd meddwl •Togetherall - cymorth 24/7 gyda chlinigwyr hyfforddedig ar-lein bob amser •Student Space gan Student Minds •Cymorth Lles •Adnoddau Hunangymorth •Gweithgareddau am ddim yn ystod Wythnos Ymwybyddiaeth Iechyd Meddwl a Chymorth Astudio – gan gynnwys sesiynau rhoi cwtsh i gi! DYSGA FWY
Un o brif amcanion y Brifysgol yw paratoi myfyrwyr at waith yn y dyfodol. Mae Academi Hywel Teifi yn gweithio’n agos gydag Academi Cyflogadwyedd Abertawe (SEA) ac yn sicrhau bod cyfleoedd i fyfyrwyr cyfrwng Cymraeg ddatblygu sgiliau cyflogadwyedd a’i fod yn parhau’n ffocws pwysig drwy gydol dy astudiaethau.
DYSGA FWY
Mae’r cyfleoedd yn cynnwys: •Tystysgrif Sgiliau Iaith trwy’r Coleg Cymraeg •Profiadau gwaith • Cwrs Datblygu Gyrfa •Gweithio fel Myfyrwyr Llysgennad i’r Coleg Cymraeg neu i’r Brifysgol
Byw Mae’r iaith Gymraeg yn rhan naturiol o fywyd yma yn Abertawe. Rydym yn enwog am ein cymuned Gymreig glos. Mae yna ddigonedd o gyfleoedd ar gael i fyfyrwyr fyw a chymdeithasu trwy gyfrwng y Gymraeg ar y campws ac oddi arno. Mae’n gyfle gwych i ti wneud ffrindiau newydd.
CYMDEITHASAU
Ym Mhrifysgol Abertawe, mae gennym Y GymGym ac Aelwyd yr Elyrch sy’n rhoi cyfleoedd amrywiol i ti gymdeithasu â siaradwyr Cymraeg eraill mewn amgylchedd anffurfiol. Maen nhw’n cwrdd yn rheolaidd gan drefnu llu o weithgareddau cymdeithasol gan gynnwys tripiau rygbi, crôls, Eisteddfodau Rhyng-gol, gwirfoddoli yn y gymuned leol a llawer mwy. Neu os wyt ti’n hoff o chwaraeon, mae gennym Rygbi Tawe. Dyma’r cyfle perffaith i ti gwrdd â myfyrwyr newydd ar y cae rygbi.
DYSGA FWY
DISCOVERY
LLETY
Ffordd wych arall o wneud ffrindiau newydd yw trwy wirfoddoli gyda’n helusen a arweinir gan fyfyrwyr Prifysgol Abertawe, Discovery. Gelli di ddysgu sgiliau newydd a gwneud gwahaniaeth mawr yn y gymuned leol ac, yn fwyaf oll, gelli di wella dy CV trwy gael hwyl. Mae Discovery wedi derbyn cydnabyddiaeth y Cynnig Cymraeg gan
I gefnogi’n cymuned gref o fyfyrwyr Cymraeg yma, rydym wedi creu aelwydydd Cymraeg ar Gampws Parc Singleton ac ar Gampws y Bae ar gyfer darparu cyfle i fyfyrwyr rannu llety â siaradwyr eraill.
Gomisiynydd y Gymraeg am ei hymrwymiad i hyrwyddo’r iaith Gymraeg a’i diwylliant drwy amryw o fentrau megis darparu cyfleoedd gwirfoddoli yn y Gymraeg a Chlwb Cymraeg.
DYSGA FWY
DYSGA FWY
CYMRAEG YN Y DDINAS
Wrth galon y ddinas mae Ty Tawe sef Canolfan Gymraeg y ddinas, lle gelli di gymryd rhan mewn nifer o weithgareddau o glybiau darllen i gigs a nosweithiau comedi, neu elli di alw mewn i’r siop am dy gardiau, llyfrau, anrhegion a nwyddau Cymraeg. Mae’r ganolfan yn gartref i Fenter Iaith Abertawe sydd hefyd yn trefnu llu o ddigwyddiadau iaith Gymraeg amrywiol ar draws Abertawe, fel Coffi a Chlonc - sesiwn sgwrsio anffurfiol i siaradwyr newydd, Siop Siarad a llu o
fandiau Cymraeg gan gynnwys Candelas, Adwaith a Bwncath. Un o uchafbwyntiau calendr digwyddiadau Abertawe yw Gwyl Tawe. Mae’r Wyl yn cynnwys perfformiadau gan lu o artistiaid amgen, cyfoes sy’n defnyddio’r iaith Gymraeg mewn ffyrdd amrywiol a chyffrous. Rhai o enwau mawr sydd wedi perfformio yw N’famady Kouyaté, HMS Morris, Mellt, a llawer mwy.
DYSGA FWY
Page 1 Page 2 Page 3 Page 4Made with FlippingBook HTML5