ACHREDIAD Mae achrediad yn golygu bod corff proffesiynol perthnasol wedi cymeradwyo cwrs fel un sy’n bodloni ei safonau ansawdd. Mae’n amlygu cysylltiad agos rhwng diwydiant a’ch cwrs ac yn golygu bod ymarfer blaengar, a ddefnyddir yn y byd go iawn, yn rhan o’ch astudiaethau. Mae cyrsiau wedi’u hachredu yn cyfrif tuag at gymwysterau a chofrestriadau proffesiynol a gallant eich rhoi ar lwybr carlam yn eich gyrfa. Mae nifer o’n graddau wedi’u hachredu sy’n golygu y bydd gennych nifer o achrediadau yn ogystal â’ch gradd, rhywbeth sy’n hynod ddeniadol i ddarpar gyflogwyr.
Y MANTEISION Cychwyn cadarn: drwy wneud gradd sydd wedi’i hachredu gan gorff proffesiynol, ni fydd rhaid i chi sefyll arholiadau proffesiynol/cymwysterau gyrfa gynnar penodol, a fydd yn rhoi hwb i chi yn eich gyrfa. Cymorth: Bydd aelodaeth myfyriwr o gorff proffesiynol, yn rhoi cyfle i chi fanteisio ar gymorth gyrfa y corff hwnnw, yn ogystal â chysylltiadau â chymheiriaid ac arbenigwyr. Mae’n edrych yn dda ar eich CV ac yn eich helpu i baratoi ar gyfer cyflogaeth.
11
Made with FlippingBook HTML5