TEITHIAU
Rydym yn rhoi cyfle i fyfyrwyr astudio amrywiaeth o gyrchfannau twristiaeth. Mae teithiau blaenorol wedi cynnwys ymweliadau â Chwisgi Penderyn, distyllfa chwisgi o’r radd flaenaf, stadiwm rygbi’r Scarlets a thaith i Nepal. Nod teithiau maes yw helpu myfyrwyr i ddeall cymhlethdodau a gofynion bod yn gyfrifol am gyrchfan twristiaeth. Mae’r daith i Nepal yn astudio datblygiad cymunedol drwy dwristiaeth a bydd yn cynnwys ymweliadau â Kathmandu, Annapurna ac ardaloedd gwledig eraill sy’n dechrau archwilio’r manteision y gall twristiaeth eu cynnig i’w twf economaidd. Sylwer bod cost y teithiau maes ar ben eich ffioedd cwrs. Bydd myfyrwyr yn cymryd rhan mewn amrywiaeth o brofiadau taith maes gorfodol, rhai lleol a thramor (gall y cyrchfannau amrywio o flwyddyn i flwyddyn). Mae’r rhain yn golygu costau ychwanegol o oddeutu £1,700 drwy gydol y rhaglen. Bydd unigolion yn gallu gwneud cais am fwrsariaethau teithio gan yr adran a thîm Ewch yn Fyd-eang y Brifysgol i helpu i dalu’r gost ychwanegol hon.
43
Made with FlippingBook HTML5