Dewisais Brifysgol Abertawe oherwydd ymwelais â Diwrnod Agored ac roedd pawb y gwnes i gyfarfod â nhw y diwrnod hwnnw yn gyfeillgar iawn ac yn hynod gadarnhaol am eu profiad yn Abertawe, yn fwy felly nag yr oeddwn wedi’i brofi mewn Diwrnodau Agored eraill. Atyniad arall i mi ddewis Abertawe oedd agosrwydd Campws Singleton at y traeth a chanol y dref, gyda llawer o bethau gwahanol i’w gwneud. Atyniad arall i Brifysgol Abertawe oedd llwyddiant y tîm rygbi menywod.
CORAL JOHNSON Sbaeneg, BA (Anrh)
Byddwn yn argymell Prifysgol Abertawe yn fawr i unrhyw un sy’n rhoi ystyriaeth iddi. Yn amlwg, gallaf siarad am y cyrsiau rwyf wedi fy nghofrestru arnynt yn unig ond mae’r amser a’r ymdrech y mae’r darlithwyr yn eu hymroi i’ch astudiaethau ac i chi fel unigolyn yn wirioneddol yn eich annog chi i dyfu fel person ac mae’n eich galluogi chi i greu’r gwaith gorau posibl. Fel person chwaraeon, byddwn hefyd yn argymell Abertawe am y nifer o gymdeithasau a gynigir yma a pha mor hawdd yw ymgartrefu ac ymuno â chymdeithas.
AMY CULE Ieithoedd Modern, BA (Anrh)
Ers gadael Prifysgol Abertawe ddwy flynedd yn ôl, rwyf wedi dechrau fy ngyrfa yn gweithio i asiantaeth farchnata yn Abertawe.
Rwyf wedi derbyn dyrchafiad, codiad cyflog, ac adeiladu fy ngyrfa o’r gwaelod i fyny ac rwy’n hynod falch ohoni. Rwy’n ddyledus iawn i Brifysgol Abertawe am y llwyddiant hwn, ac rwy’n hynod ddiolchgar am y gefnogaeth a gefais yn ystod fy ngradd ac am y profiad myfyriwr amhrisiadwy y byddaf yn ei drysori am byth.
ALEX ALDERSON Llenyddiaeth Saesneg a Ffrangeg, BA (Anrh) gyda Blwyddyn Dramor
Made with FlippingBook HTML5