Ieithoedd Modern, Cyfieithu a Cyfieithu ar y Pryd

IEITHOEDD MODERN, CYFIEITHU A CHYFIEITHU AR Y PRYD Mae ein graddau mewn Ieithoedd Modern yn ogystal â Chyfieithu a Chyfieithu ar y Pryd yn cwmpasu sawl iaith fodern ac yn darparu hyfforddiant yn y sgiliau sydd eu hangen i fod yn ieithydd proffesiynol yn y byd modern. Ategir yr hyfforddiant hwn ymhellach trwy opsiynau astudio a gweithio dramor sy’n caniatáu ymgysylltu byd-eang a rhagolygon gyrfa amrywiol. Byddwch yn gwella eich sgiliau iaith mewn Ffrangeg, Almaeneg neu Sbaeneg ac yn ychwanegu at y rhain gyda modiwlau dewisol mewn astudiaethau diwylliannol, ieithoedd ychwanegol, addysg, cyfieithu a chyfieithu ar y pryd trwy lwybrau hyblyg ac arbenigol.

swansea.ac.uk/cy/israddedig/cyrsiau/diwylliant-chyfathrebu/ieithoedd-modern- cyfieithu-cyfieithu-pryd Am fwy o wybodaeth, sganiwch y QR neu ewch i’n gwefan.

EIN GRADDAU

Q910

Ieithoedd Modern, Cyfieithu a Chyfieithu ar y Pryd, BA (Anrh) gyda Blwyddyn Dramor

Mae’r rhaglen Ieithoedd Modern, Cyfieithu a Chyfieithu ar y Pryd arbenigol hon yn cynnwys blwyddyn integredig dramor lle byddwch yn astudio un neu ddwy iaith ochr yn ochr â modiwlau cyfieithu/dehongli. Ym Mhrifysgol Abertawe, gallwch gofrestru ar gyrsiau Ffrangeg, Almaeneg a Sbaeneg ar lefelau amrywiol. Trwy fodiwlau tra arbenigol yn ymdrin â theori ac ymarfer cyfieithu a chyfieithu ar y pryd, mae’r rhaglen hon yn rhoi gwybodaeth a sgiliau ymarferol i chi ar gyfer gyrfa iaith broffesiynol. Mae’r flwyddyn dramor yn darparu profiad cyfoethog mewn sefydliadau partner sy’n enwog am raglenni cyfieithu a chyfieithu ar y pryd, gan gyfoethogi eich profiad fel myfyriwr a’ch cyflogadwyedd.

Made with FlippingBook HTML5