Daar is opgemerk dat varkvleispryse in Sjina die afgelope vier jaar bitcoin- agtige wisselvalligheid getoon het. Vinnige uitbreiding in produksievermoë, gekombineer met 'n staatsreserweprogram en drie jaar van inperkings, het bygedra tot hierdie wisselvallige beweging in pryse. Huidige varkvleispryse toon 'n dalende neiging. Ontleders merk ook op dat slaggetalle afneem, wat kan aandui dat Sjinese varkvleisproduksie binnekort die onderpunt van die siklus kan bereik en weer met uitbreiding kan begin. Daar moet egter in kennis geneem word dat die herbou van kuddes na 2018 gelei het tot 'n strukturele verandering in varkvleisproduksie in Sjina, wat gelei het tot meer inset-intensiewe stelsels. Met hierdie verandering in plek, sal toekomstige uitbreidingsiklusse in die Sjinese varksiklus waarskynlik 'n baie kleiner effek op mielies en sojabone hê as wat hulle in 2020/2021 gehad het. Ons siening is dus dat die uitwerking van Sjina se ekonomiese heropkoms waarskynlik slegs 'n klein effek op wêreldwye landboukommoditeitspryse oor die volgende 18 maande sal hê.
In 2021 het die uitvoer van Suid-Afrikaanse landbouprodukte na Sjina sowat ZAR 8 miljard beloop. Dit is ongeveer 7% van die totale waarde van ons landbou-uitvoere en is oorheers deur tuinbouprodukte en beesvleis (sien Figuur 1.3 hieronder). Ons siening is dat die heropening van die Sjinese ekonomie 'n stewiger vraag na produkte soos neute tot gevolg sal hê, wat gewoonlik gedurende feesseisoene verbruik word. Hierdie feeste en verbruik rondom hulle was beperk tydens COVID-tye. Verhoogde toeriste- en vermaaklikheidsaktiwiteite, as gevolg van opgekropte vraag, sal waarskynlik ook lei tot 'n sterk vleis-, proteïen-, en sitrusvraag wat beesvleisuitvoerpryse gunstig kan beïnvloed. Wat wêreldwye landboukommoditeits- pryse betref, het mielie- en sojaboonpryse voordeel getrek uit die heropbou en strukturele veranderinge wat met die Sjinese varkkudde geassosieer word, oor die afgelope vyf jaar. Gegewe dat verhoogde ekonomiese aktiwiteit vleisverbruik sal bevoordeel, kan 'n sterk vraag na varkvleis gesien word as 'n fundamentele faktor wat wêreld- wye landboukommoditeitspryse weer sal ondersteun.
13
Made with FlippingBook - Online catalogs