BLWYDDYN MEWN DIWYDIANT
Mae Blwyddyn mewn Diwydiant yn gyfle i dreulio blwyddyn mewn swydd yn ystod eich astudiaethau, ac mae ar gael i fyfyrwyr israddedig sy’n astudio graddau Economeg yn Ysgol y Gwyddorau Cymdeithasol. Bydd yn rhoi profiad gwerthfawr i chi yn y byd gweithio go iawn, a bydd yn eich helpu i ddatblygu ystod o sgiliau a fydd yn eich gwneud yn ymgeisydd deniadol ar gyfer swyddi ar ôl graddio. Mae ein graddau Blwyddyn mewn Diwydiant yn rhaglenni gradd pedair blynedd, lle byddwch yn treulio’ch trydedd flwyddyn yn gweithio mewn diwydiant.
Mae’r lleoliad 12 mis yn gysylltiedig â chredydau (yn werth 120 credyd), rhan asesedig o raglen gradd 4 blynedd. Mae hyn yn golygu y bydd eich perfformiad ar yr asesiad a chwblhau’r lleoliad yn effeithio ar eich dosbarthiad gradd terfynol, yn union fel y byddai blwyddyn o fodiwlau a addysgir.
MAE EIN CYSYLLTIADAU Â CHYFLOGWYR YN CYNNWYS Er mai cyfrifoldeb y myfyriwr yw sicrhau lleoliad, rydym yn gweithio gyda nifer o sefydliadau sy’n darparu ystod o gyfleoedd lleoli. Os na allwch chi sicrhau lleoliad erbyn diwedd ail flwyddyn eich astudiaethau, byddwch yn trosglwyddo i’r rhaglen radd gyfatebol.
Roedd uchafbwyntiau fy mlwyddyn mewn diwydiant gyda Bosch UK yn cynnwys arwain dau ddigwyddiad â chyllidebau mawr a lefel uchel o gyfrifoldeb. Llwyddodd y ddau ddigwyddiad i greu cysylltiadau â chleientiaid newydd posib a ches i gyfle i roi llawer o fy syniadau ar waith i greu ffyrdd newydd o gyflwyno offer pwer Bosch. Roeddwn i wrth fy modd yn gweithio gyda llawer o’r bobl yn y cwmni. Roedd gennym grwp gwych o interniaid a byddwn i’n ystyried llawer ohonyn nhw’n ffrindiau da. Ond roedd fy ngrwp yn fwy na’r interniaid eraill - roedd fy rheolwyr a’r tîm estynedig roeddwn i’n gweithio gyda nhw’n gefnogol ac yn hwyl ac roedd dynameg wych yn y swyddfa. Dwi’n cadw mewn cysylltiad â sawl aelod o’r tîm o hyd a dwi’n rhan o Gynghrair Pêl-droed Ffantasi gyda dau o’n prif gyflenwyr! ˆ ˆ ˆ
TOM CONNELLY Lleoliad gwaith: Bosch UK | Rôl: Intern Marchnata a Digwyddiadau
Made with FlippingBook HTML5