yw trosedd (131 o fargyfreithwyr, neu 36.4%), teulu (125, 34.7%), cyfraith gyhoeddus (24, 6.7%) ac anafiadau personol (15, 4.2%). 23 Mae'r data hyn yn adlewyrchu canfyddiadau cynharach. 24
Y gymhareb 25 o fargyfreithwyr i bobl sy’n byw yng Nghymru, yn 2021, oedd 1:8,974, sy’n ymddangos yn unol â’r gymhareb 1:8,294 yn Lloegr, ac eithrio Llundain. 26 Fodd bynnag, mae'r gymhariaeth yn gamarweiniol, gan nad oes gan ganolbarth Cymru fynediad at fargyfreithwyr lleol ac mae gan ogledd Cymru gymhareb mewn gwirionedd o 1:85,875. 27 Gallai’r nifer isel o fargyfreithwyr yng ngogledd Cymru fod yn rhannol oherwydd bod Caer a Chymru yn rhannu cylchdaith gyfreithiol tan 2006 a nifer fawr o fargyfreithwyr yn dewis lleoli yng Nghaer er hwylustod er mwyn ymarfer yng ngogledd Cymru a gogledd-orllewin Lloegr. Rheoleiddir bargyfreithwyr gan Fwrdd Safonau’r Bar a’r corff cynrychioliadol ar gyfer bargyfreithwyr yng Nghymru a Lloegr yw General Council of the Bar (a elwir yn Gyngor y Bar). Mae’r Bwrdd Gwasanaethau Cyfreithiol yn gorff annibynnol sy’n eistedd uwchben yr SRA, Cyngor y Bar a chyrff rheoleiddio eraill o weithwyr cyfreithiol proffesiynol, ac mae’n goruchwylio’r gwaith o reoleiddio pawb sy’n darparu gwasanaethau cyfrei thiol yng Nghymru a Lloegr.
c) Proffesiynau cyfreithiol eraill
Yn ogystal â chyfreithwyr a bargyfreithwyr, mae sawl proffesiwn cyfreithiol arall a reoleiddir yn darparu gwasanaethau yng Nghymru gan gynnwys Trawsgludwyr Trwyddedig, Gweithredwyr Cyfreithiol Siartredig, Atwrneiod Patent a Nodau Masnach, Cyfreithwyr Costau, Cyfrifwyr Siartredig a Notarïaid.
23 Ibid. 24 Adroddiad Jomati (n 3) 18.
25 Mae’r gymhareb hon wedi’i chyfrifo gan ddefnyddio (i) ar gyfer nifer y bargyfreithwyr (346 yng Nghymru, 16,093 yn Lloegr gan gynnwys Llundain, 5756 yn Lloegr ac eithrio Llundain), ystadegau Cyngor y Bar ar gyfer mis Mehefin 2021 (n 21), (ii) ar gyfer y data poblogaeth, amcangyfrif o'r boblogaeth y Swyddfa Ystadegau Gwladol (ONS) ar gyfer canol 2021 (n 9), (iii) ar gyfer y data poblogaeth ar gyfer Llundain Fwyaf (8,796,628), data’r Swyddfa Ystadegau Gwladol ar gyfer canol 2021 fel y’i hail -esboniwyd gan Greater London Authority, ar gael yn https://data.london.gov.uk/dataset/londons-population. 26 Gan gynnwys Llundain Fwyaf, y gymhareb yn Lloegr oedd 1:3513, yng nghanol 2021. 27 Data poblogaeth gan y Swyddfa Ystadegau Gwladol, “Amcangyfrifon o'r boblogaeth a chartrefi, Cymru: Cyfrifiad 2021” (28 Mehefin 2022), ar gael yn https://cy.ons.gov.uk/peoplepopulationandcommunity/populationandmigration/populationestimates/bulletins/popu lationandhouseholdestimateswales/census2021. Cofnodwyd poblogaeth Gogledd Cymru yn 687,000 yn 2021.
10
Made with FlippingBook HTML5