ASTUDIO A CHYMDEITHASU DRWY GYFRWNG
CANGEN PRIFYSGOL ABERTAWE, COLEG CYMRAEG CENEDLAETHOL Mae Cangen y Coleg yma i ddarparu cymorth a chefnogaeth wrth i ti astudio a chymdeithasu trwy gyfrwng y Gymraeg. Mae’r Gangen yn cynnal amrywiaeth o weithgareddau yn ystod y flwyddyn, gan gynnwys digwyddiadau croeso i las fyfyrwyr, digwyddiadau cymdeithasol i fyfyrwyr Cymraeg, a fforymau trafod i roi llais i fyfyrwyr ar eu haddysg a’u profiad addysgol. Mae’r Gangen hefyd yn hwyluso dy gyfle i ymgeisio am y Dystysgrif Sgiliau Iaith Gymraeg a chyfleoedd profiad gwaith mewn amgylchfyd gwaith iaith Gymraeg. abertawe.ac.uk/cangen-abertawe Y GYMDEITHAS GYMRAEG Mae'r GymGym yn rhoi cyfleon amrywiol i ti gymdeithasu â siaradwyr Cymraeg eraill mewn amgylchedd anffurfiol. Mae’n gyfle gwych i wneud ffrindiau newydd. Mae’r Gymdeithas Gymraeg yn cwrdd yn rheolaidd gan drefnu llu o weithgareddau cymdeithasol trwy gyfrwng y Gymraeg gan gynnwys tripiau rygbi, gigs, a crôls, Eisteddfodau Rhyng-gol a llawer mwy. Mae’r Gymdeithas Gymraeg yn gweithio’n glos gyda Changen Abertawe o'r Coleg Cymraeg gan hefyd gefnogi Clwb Rygbi Tawe a Phêl Rwyd Tawe.
Mae Prifysgol Abertawe yn cynnig nifer o gyfleoedd i ti astudio a chymdeithasu drwy gyfrwng y Gymraeg a chei dy annog i wneud hynny. Cefnogir myfyrwyr sy’n astudio trwy’r Gymraeg gan Academi Hywel Teifi. Mae ein data TEF* dros y ddwy flynedd ddiwethaf yn dangos bod myfyrwyr cyfrwng Cymraeg yn gyflawnwyr uchel o ran cyflogadwyedd. Mae gan Academi Hywel Teifi a’r Coleg Cymraeg Cenedlaethol ysgoloriaethau i fyfyrwyr sy’n dewis astudio rhan o’u cwrs trwy gyfrwng y Gymraeg. YSGOLORIAETHAU A BWRSARIAETHAU CYFRWNG CYMRAEG Mae cynllun Ysgoloriaethau a Bwrsariaethau cyfrwng Cymraeg Academi Hywel Teifi yn gynllun sy’n agored i fyfyrwyr sydd eisoes wedi dewis dod i Brifysgol Abertawe ac sydd yn ystyried neu yn astudio trwy gyfrwng y Gymraeg lle bo cyfle, yn hytrach na thrwy’r Saesneg.
Ar gyfer myfyrwyr sy’n astudio o leiaf 66% o’u cwrs (80 credyd y flwyddyn) trwy’r Gymraeg PRIF YSGOLORIAETH £3,000 CADWA LYGAD AM Y SYMBOL AR BOB UN O’N TUDALENNAU CWRS Ar gyfer myfyrwyr sy’n astudio o leiaf 33% o’u cwrs (40 credyd y flwyddyn) trwy’r Gymraeg YSGOLORIAETH CYMHELLIANT £1,500 Ar gyfer myfyrwyr sy’n astudio 100% o’u cwrs trwy’r Gymraeg YSGOLORIAETH WILLIAM SALESBURY £5,000
COLEG CYMRAEG
Am fanylion pellach, e-bostia astudio@abertawe.ac.uk
* Canlyniadau TEF Prifysgol Abertawe 2017 a 2018
26
Made with FlippingBook - Online magazine maker