YN OGYSTAL Â’N LLEOLIAD ARFORDIROL RHAGOROL, MAE ABERTAWE’N CYNNIG RHAI O’R CHWARAEON GORAU MEWN UNRHYW BRIFYSGOL YM MHRYDAIN
YSGOLORIAETHAU CHWARAEON
CHWARAEON
Rydym yn falch ein bod wedi meithrin rhai o’r doniau chwaraeon o’r radd flaenaf yma ym Mhrifysgol Abertawe ac ymfalchïwn yn yr ysgoloriaethau chwaraeon rydym yn eu cynnig. Rydym yn chwilio am fyfyrwyr sydd wedi dangos gallu neilltuol yn eu camp ac sydd wedi cynnig: £5 , 500 YSGOLORIAETH CHWARAEON Amodau a thelerau’n berthnasol
Yma yn Abertawe, rydym yn ymfalchïo yn ein hymroddiad a’n hymrwymiad i chwaraeon a ffyrdd actif o fyw. Mae gennym gyfleoedd chwaraeon sy’n addas i bob un o’n myfyrwyr, o’r athletwyr elît/ rhyngwladol i’r rhai sy’n dechrau o’r dechrau, mae rhywbeth at ddant pawb.
RHAGLEN CAMPWS ACTIF AC IACH Yn ystod blwyddyn academaidd 2020-21, byddwn yn cynnig ystod newydd a gwych o weithgareddau i fyfyrwyr a hoffai ddod yn fwy actif, a chymryd rhan mewn rhywfaint o ymarfer corff. Felly os wyt yn dechrau arni, mae gennym weithgareddau a chyrsiau cymdeithasol llawn hwyl sy’n addas i ti, megis ein cynghreiriau cymdeithasol hynod boblogaidd er enghraifft. CYFLEUSTERAU Mae Abertawe’n gartref i ddau o’r cyfleusterau chwaraeon blaenllaw yng Nghymru, gan gynnwys y Pentref Chwaraeon Rhyngwladol (ISV), a Maes Hyfforddi Fairwood sy’n ganolfan hyfforddi i Glwb Pêl-droed Dinas Abertawe. Mae gan y ddau gampws gyfleusterau iechyd a ffitrwydd ardderchog, gan gynnwys offer a dosbarthiadau o’r radd flaenaf. Mae’r Brifysgol hefyd yn cynnig cyfleuster cryfder a chyflyru o’r radd flaenaf (Y Sied) sydd ar gael i athletwyr elît. Mae ein hystod eang o gyfleusterau chwaraeon i fyfyrwyr yn cynnwys: • Cyrtiau tenis • Caeau chwarae • Trac a chae athletau • Pafiliwn chwaraeon • Caeau astroturf • Ardal gemau amlddefnydd â llifoleuadau a chwrt pêl-fasged hanner maint • Gwasanaeth llogi beiciau a llwybrau rhedeg Defnyddiodd Crysau Duon Seland Newydd ein Pentref Chwaraeon Rhyngwladol i hyfforddi ar gyfer Cwpan Rygbi’r Byd yn 2015, ac mae ein pwll cenedlaethol 50m wedi’i ddefnyddio fel canolfan hyfforddi i ddau dîm Paralympaidd rhyngwladol. A thithau’n fyfyriwr, cei ddefnyddio’r cyfleusterau o’r radd flaenaf hyn.
abertawe.ac.uk/ysgoloriaethau
abertawe.ac.uk/y-brifysgol/ chwaraeon
Llewod Prydain ac Iwerddon, chwaraewr Cymru a’r Gweilch a chyn-fyfyriwr y Gyfraith, Abertawe Alun Wyn Jones
O ganlyniad i’r Ysgoloriaeth Chwaraeon yn y brifysgol, ces i gyfle i ddilyn dau lwybr gyrfaol ar yr un pryd. Mae gen i atgofion melys o’m hamser ym Mhrifysgol Abertawe, yn enwedig ennill Gêm y Prifysgolion. Dwi’n gwybod na fydd gyrfa mewn chwaraeon yn para am byth, felly dwi’n fodlon ystyried dychwelyd i wella fy nghymwysterau yn y dyfodol.
32
33
Made with FlippingBook - Online magazine maker