barhaol yng Nghymru, gyda staff gweinyddol a chyfreithiol ar y safle (gan gynnwys Pennaeth penodedig ac o leiaf un partner). Yn gyffredinol, mae un o ddau reswm yn cyfiawnhau cynnwys y cwmnïau hyn yn yr enghreifftiau isod: (i) presenoldeb gallu i wneud penderfyniadau neu reoli arloesi yng Nghymru (e.e. partner wedi’i leoli yng Nghymru sy’n goruchwylio mabwysiadu un neu fwy o dechnolegau ar draws y practis), neu (ii) hunaniaeth Gymreig nodedig, lle mae presenoldeb y cwmni yng Nghymru yn sylweddol, o ran y staff a gyflogir a'r ystod o wasanaethau a gynigir gan y swyddfa leol. Fel y soniwyd uchod, nid ydym wedi ceisio darparu map cynhwysfawr o arloesi mewn cwmnïau cyfreithiol yng Nghymru. Yn gyntaf, mae gweithgareddau mapio eraill yn mynd rhagddynt ar hyn o bryd, neu wedi’u cwblhau’n ddiweddar: ymhlith y rhain, (i) dau arolwg ar - lein gan Legal News Wales (2021) 136 , gyda chymorth grŵp Technoleg y Gyfraith Cymdeithas y Gyfraith Caerdydd a’r Cylch, (ii) ymchwil ar gwmnïau cyfreithiol bach gan cpm21 a gomisiynwyd gan Busnes Cymru (2023) 137 , a (iii) yr “Arolwg Mabwysiadu Technoleg Ddigidol ar gyfer y Sector Cyfreithiol yng Nghymru 2023” parhaus Ysgol Busnes Prifysgol Caerdydd 138 a gomisiynwyd gan Lywodraeth Cymru. Yn ail, mae'n annhebygol y bydd gwaith mapio cwbl gynhwysfawr o arloesedd mewn cwmnïau cyfreithiol yng Nghymru yn deillio o arolygon neu alwadau i weithredu 139 , gan fod y rhain yn nodweddiadol yn arwain at ymgysylltiad gan gwmnïau sydd eisoes yn nodi eu hunain fel arweinwyr arloesi neu arloeswyr, ac sydd felly’n fwy tebygol o fod wedi sicrhau bod gwybodaeth berthnasol ar gael i’r cyhoedd hefyd (sy’n ymddangos, felly, yn ein hymchwil). Yn olaf, rydym wedi ystyried technoleg yn yr ystyr eang a drafodwyd ym mhennod 2. Mae hyn yn gyson ag ymchwil academaidd bresennol, sydd yn gyffredinol wedi gosod trothwy isel ar gyfer diffinio technoleg 140 .
136 Emma Waddingham, “LawTech Wales Survey 2021” (Legal News Wales, 3 Awst 2021), ar gael yn https://www.legalnewswales.com/news/lawtech-wales-survey-2021/. 137 Waddingham (n 83). 138 Arolwg Mabwysiadu Technoleg Ddigidol Prifysgol Caerdydd (n 51). 139 Mae Labordy Arloesi Cyfreithiol Cymru a’r SRA, er enghraifft, wedi ceisio ymgysylltu â chwmnïau cyfreithiol Cymreig sy’n ymwneud ag arloesi ar sawl achlysur, gan gynnwys yn nigwyddiad Arloesi’r SRA a gynhaliwyd yn Abertawe ym mis Gorffennaf 2022 a thrwy Legal News Wales a Chymdeithas y Gyfraith Caerdydd a'r Cylch. Mae ymgysylltiad wedi parhau i fod yn gyfyngedig, er gydag enghreifftiau nodedig o gefnogaeth a chydweithio gan nifer cyfyngedig o gwmnïau cyfreithiol. 140 Er enghraifft, mae Whalen (n 122), 51, yn diffinio technoleg fel “pob dyfais y gellir ei defnyddio at ddibenion dynol a’r sgiliau a’r technegau a ddefnyddiwn i’w cynhyrchu a’u defnyddio”.
28
Made with FlippingBook HTML5