(ii) Apiau cwmnïau cyfreithiol
Maes arloesi arall gan gwmnïau cyfreithiol yw cynhyrchu apiau, sy'n cefnogi ymarferoldeb pyrth cleientiaid, neu'n darparu swyddogaethau annibynnol, megis mynediad at ganllawiau a deunyddiau eraill, mynediad at wasanaethau penodol, neu wasanaethau cyfathrebu.
Mae Eversheds Sutherland wedi cynhyrchu nifer o apiau gan gynnwys Client Conversations, a lansiwyd yn 2018. Cafodd yr ap hwn ei “ddatblygu’n fewnol… [ac] mae ar gael i bob un o’r 5,000 o gyfreithwyr
a
thimau gwasanaethau busnes Eversheds Sutherland mewn 66 lleoliad ar draws 32 o wledydd.” 155 Mae’r ap “yn dod â gwybodaeth allweddol ynghyd am Eversheds Sutherland, ei leoliadau byd-eang, ei alluoedd, ei gynnyrch a’i atebion technoleg… ac mae wedi’i gynllunio i gefnogi deialog gyda chleientiaid a darpar gleientiaid trwy roi mynediad hawdd i’r defnyddiwr at wybodaeth hanfodol am y busnes”. 156 Mae Eversheds Sutherland hefyd wedi cynhyrchu nifer o ganllawiau sydd ar gael i'r cyhoedd ar ffurf apiau, yn ymdrin â phynciau'n ymwneud â chyllid cynaliadwy, contractio masnachol a mwy. Eversheds Sutherland’s UK Sustainable Finance Guide
Cyflwynodd Hugh James yr ap “Hugh James” yn 2019. Datblygwyd yr ap gan ddarparwr allanol, ac roedd yn caniatáu i gleientiaid gyfathrebu â'u cyfreithiwr, anfon negeseuon a lluniau, olrhain eu hachos, a gweld a llofnodi dogfennau. 157 Er i'r ap gael ei gyflwyno yn 2019 158 , gyda ffocws ar anafiadau personol, mae'n ymddangos ei fod wedi dod i ben ac nid yw ar gael ar
hyn o bryd yn yr App Store neu Google Play Store.
Ap Hugh James
155 Eversheds Sutherland, “Eversheds Sutherland launches Client Conversations App -based information tool rolled out across the business” (Eversheds Sutherland, 20 November 2018), ar gael yn https://www.eversheds- sutherland.com/lists/shownews.html?News=uk_Eversheds-Sutherland-launches-Client-Conversations-App. 156 Ibid. 157 Lavatech Limited, “Hugh James” (AppAdvice), ar gael yn https://appadvice.com/app/hugh-james/1474074828. 158 Ibid.
32
Made with FlippingBook HTML5