5.4 Ystyriaethau byr ynghylch addysg Technoleg Gyfreithiol yng Nghymru
Amlygodd adroddiad Comisiwn Thomas ddiffygion yn y ddarpariaeth Technoleg Gyfreithiol gan Brifysgolion Cymru yn 2019. Bedair blynedd yn ddiweddarach, mae’n ymddangos bod galwad Comisiwn Thomas i weithredu wedi arwain at newidiadau sylweddol a chadarnhaol, y dylid teimlo eu heffeithiau ar gronfa dalent Technoleg Gyfreithiol yng Nghymru yn y blynyddoedd i ddod. Mae Sefydliad Addysg Uwch Cymru bellach yn cynnig dau gwrs LLM mewn technoleg gyfreithiol (Prifysgol Abertawe a Phrifysgol De Cymru), ystod dda o fodiwlau dewisol ar gyfer myfyrwyr israddedig (er mai dim ond Prifysgol De Cymru sydd â modiwl technoleg gyfreithiol gorfodol yn ei chwricwlwm), ac amgylchedd sy’n cefnogi ymchwil rhyngddi sgyblaethol i dechnoleg gyfreithiol ac ymgysylltu â’r diwydiant, yn enwedig ym Mhrifysgol Caerdydd, Prifysgol Abertawe a Phrifysgol De Cymru. Mae de Cymru unwaith eto ar y blaen i ranbarthau eraill yng Nghymru, o ran ei ymgysylltiad â thechnoleg gyfreithiol o fewn prifysgolion, er bod arbenigedd a chynigion addysgol cyfyngedig yn bodoli yng ngorllewin a gogledd Cymru hefyd, fel y trafodwyd uchod. Mae’n ymddangos bod o leiaf dri maes cyfle i wella’r dirwedd addysgol bresennol ar gyfer technoleg gyfreithiol y ng Nghymru: 1) integreiddio modiwlau technoleg gyfreithiol fel elfennau craidd y cwricwlwm LLB a gynigir gan holl brifysgolion Cymru; 2) cydweithredu agosach â chwmnïau cyfreithiol a busnesau newydd yng Nghymru wrth ddylunio a darparu modiwlau a chyrsiau mewn technoleg gyfreithiol ac arloesi, ac at ddibenion cyflogadwyedd; 3) cydweithio agosach rhwng prifysgolion Cymru i gyfuno adnoddau, cynnal ymdrechion ymchwil ar y cyd, a chefnogi canolfannau a hybiau ymchwil presennol mewn perthynas â meysydd arbenigedd penodol pob sefydliad. At ei gilydd, mae ein hymchwil yn rhoi darlun cadarnhaol o dirwedd addysg Technoleg Gyfreithiol yng Nghymru, ond mae hefyd i’w weld yn amlinellu datblygiad meysydd arbenigedd sy’n nodweddu pob sefydliad, fel y dangosir gan rywfaint o amrywiaeth yn y math o fodiwlau a chyrsiau a gynigir a’u cynnwys. Fel y trafodwn isod, mae hyn yn cynnig cyfle i ddylunio llwybrau i ymgys ylltu â phrifysgolion Cymru fel rhan o ecosystem ehangach sy’n manteisio mewn ffordd fwy effeithiol ar arbenigedd pob prifysgol.
74
Made with FlippingBook HTML5